Turlaget treng hjelp til merking og rydding av sti over Kleivfjellet!

Me startar turen ved Skytebana i Nordalen på Dalegarden og går opp via Brattreimane på allereie merka sti. Eit lite stykke forbi Flåskarhaugen startar sjølve ny-merkinga som tar oss bort til Kleivfjellet og vidare opp på Hestafjellet.

Ein slik merketur er ein trivelig og sosial tur der tempoet blir lavt.

Turlaget stiller med det meste av naudsynt utstyr, men fint om du kan ta med ei greinsaks og/eller lita sag.

Me tar oss ein matpause på eit eller anna tidspunkt også, så ta med niste.

Vel møtt!

Tur og sti-merking over Kleivfjellet — Turer og aktiviteter — Vaksdal Turlag (dnt.no)